Հավակնորդների մրցաշարում կխաղամ հաճույքիս համար. Արոնյան

27 Սեպտեմբերի 2017 21:16
Հավակնորդների մրցաշարում կխաղամ հաճույքիս համար. Արոնյան

Աշխարհի գավաթի խաղարկությունում տարած հաղթանակից հետո հայկական շախմատի առաջատար Լևոն Արոնյանը խոսել է իր տպավորությունների և գալիք տարի կայանալիք հավակնորդների մրցաշարի մասին.

«Շատ երջանիկ եմ հաղթանակիս համար, 12 տարի անցել է առաջին գավաթից, դա մի ամբողջ շրջան է:  Սա ինձ համար առանձնահատուկ տիտղոս է:

Կարծում եմ, որ եզրափակիչի բոլոր պարտիաներում էլ առավելություն ունեի Լիրենի նկատմամբ: Վստահ էի, որ վերջիվերջո հաղթանակ եմ տանելու:

Հավակնորդների նախորդ մրցաշարերում ֆավորիտ համարվելով՝ միշտ ձախողվել եմ: Հաջորդ անգամ ես ֆավորիտ չեմ լինի, այլ կխաղամ հաճույքիս համար»,- նշել է 34-ամյա շախմատիստը:

Հավելենք, որ 2018 թվականի մարտի 10-28-ը Լևոն Արոնյանը Բեռլինում կմասնակցի հավակնորնդերի մրցաշարին, որի հաղթողը աշխարհի չեմպիոնի թագը կվիճարկի Մագնուս Կարլսենի հետ:

Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: