Ջերմուկում մեկնարկել է շախմատի միջազգային մրցաշարը

06 Հոկտեմբերի 2017 21:26
Ջերմուկում մեկնարկել է շախմատի միջազգային մրցաշարը

Ջերմուկում մեկնարկել է շախմատի միջազգային մրցաշարը, որը Եվրոպայի պատանեկան Գրան Պրիի փուլի կարգավիճակ ունի: Այս մասին հաղորդում է ՀԱՕԿ լրատվական ծառայությունը:

Շրջանաձև մրցակարգով անցկացվող մրցաշարին մասնակցում է 12 շախմատիստ Հայաստանից, Ռուսաստանից, Ուկրաինայից, Վրաստանից, Բելառուսից, Լիտվայից և Նորվեգիայից:

Մեր երկիրը ներկայացնում են Արամ Հակոբյանը, Շանթ Սարգսյանը և Մամիկոն Ղարիբյանը: Երկու տուրից հետո Ղարիբյանն ուկրաինացի Կիրիլ Շեվչեկնոյի հետ հարյուր տոկոսանոց արդյունքով գլխավորում է մրցաշարային աղյուսակը: Սարգսյանն ու Հակոբյանը 1,5-ական միավորով բաժանում են 3-4-րդ տեղերը:

Այսօր խաղացվում են երրորդ տուրի պարտիաները: Պատանեկան Գրան Պրիի երկրորդ փուլի եզրափակիչ տուրը կկայանա հոկտեմբերի 15-ին:

Լուսանկարը՝ մրցաշարի պաշտոնական կայքի.

Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: