Իբրահիմովիչը ցանկանում է վերադառնալ «Մանչեսթեր Յունայթեդ»

17 Հուլիսի 2017 11:19
Իբրահիմովիչը ցանկանում է վերադառնալ «Մանչեսթեր Յունայթեդ»

Շվեդիայի ազգային հավաքականի նախկին հարձակվող Զլատան Իբրահիմովիչը հրաժարվել է տեղափոխվել ՄԼՍ և ցանկանում է վերադառնալ անգլիական «Մանչեսթեր Յունայթեդ»:

The Sun-ը հայտնում է, որ ամերիկյան «Լոս-Անջելես Գելաքսի»-ն ֆուտբոլիստին տարեկան 7.7 մլն եվրո աշխատավարձ էր առաջարկում: Տեղափոխությունը կայանալու դեպքում շվեդ հարձակվողը կդառնար ՄԼՍ-ի ամենաբարձր վարձատրվող ֆուտբոլիստը: Սակայն 35-ամյա խաղացողը շարունակում է վերականգնվել ծնկի վնասվածքից և ծրագրում է նոր պայմանագիր կնքել «կարմիր սատանաներ»-ի հետ:

Պրեմիեր Լիգայի նախորդ մրցաշրջանում Իբրահիմովիչը մասնակցել է 28 հանդիպման՝ դառնալով 17 գոլի հեղինակ:

Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: