«Ինտեր»-ի նախագահը հեռանում է իր զբաղեցրած պաշտոնից

17 Հուլիսի 2017 15:28
«Ինտեր»-ի նախագահը հեռանում է իր զբաղեցրած պաշտոնից

«Ինտեր»-ը նոր նախագահ կունենա: Միլանյան ակումբի այժմյան նախագահ Էրիկ Տոխիրը հաստատել է, որ ժամանակի սղության պատճառով կհեռանա իր զբաղեցրած պաշտոնից: 

«Ասիական խաղերն ինձ ստիպեցին հրաժարվել իմ մնացած դերերից: Ես ամեն ամիս Միլան էի մեկնում, բայց վերջին անգամ այնտեղ ապրիլին եմ եղել: Այդ պատճառով հեռանալու որոշում եմ կայացրել: Ինձ բիզնես-գործընկեր էր հարկավոր, «Ինտեր»-ը Չինաստանում շատ հետևորդներ ունի: Երբ Suning-ից առաջարկ եղավ՝ ես մտածեցի, որ ֆինանսական տեսանկյունից դա ճիշտ որոշում է: Այդ ընկերությունը եռապատկեց ակումբի բյուջեն: 

Ֆուտբոլը կազմված է թռիչքներից և անկումներից: Տխուր եմ նախորդ մրցաշրջանի համար, բայց սա ֆուտբոլ է: Suning-ը կարող է խաղացողների վերաբերյալ իմ կարծիքը հարցնել, բայց ես նախկինի նման մարզիչների հետ խոսելու ժամանակ չունեմ», - Տոխիրի խոսքերն է փոխանցում Il Tempo-ն:

Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: