Առաջին տարին է, որ տղաները պատանեկանից տեղափոխվել են երիտասարդական հավաքական. Բաբալարյան

08 Օգոստոսի 2017 11:25
Առաջին տարին է, որ տղաները պատանեկանից տեղափոխվել են երիտասարդական հավաքական. Բաբալարյան

Հունահռոմեական ըմբշամարտի Հայաստանի երիտասարդական հավաքականն այս գիշեր Տամպերեից վերադարձել է Երևան: Հավաքականի ավագ մարզիչ Արմեն Բաբալարյանը ՀԱՕԿ լրատվական ծառայության հետ զրույցում խոսել է պատանեկան և երիտասարդական հավաքականների ու աշխարհի երտասարդական առաջնության մասին:

«Մեր մասնակցությունն աշխարհի առաջնությանը համարում եմ բավարար, թեև ավելի շատ սպասելիքներ ունեինք ու ավելին կարող էինք անել: Մալխաս Ամոյանը պետք է ոսկե մեդալ նվաճեր, սակայն եզրափակիչ գոտեմարտում մրցավարները վերջին 15 վայրկյաններին հաղթանակը նվիրեցին իրանցի ըմբիշին: Այդպես ասում եմ, որովհետև իրանցին աշխարհի չեմպիոն դարձավ՝ տեխնիկական ոչ մի հնարք չկատարելով: Եզրափակչի ճանապարհին Ամոյանն ավելի ուժեղներին՝ ադրբեջանցուն, թուրքին, ուկրաինացուն, մոլդովացուն՝ Եվրոպայի մրցանակակիրներին ու չեմպիոններին էր հաղթել, սակայն եզրափակչում կատարվեց այն, ինչ ասացի:

Ամեն դեպքում հիասթափություն չկա, աշխատելու ենք նաև մեր սխալների վրա և շարունակելու ենք պայքարել: Մյուս տղաներն էլ ընդհանուր առմամբ վատ չաշխատեցին, պայքարեցին իրենց հնարավորությունների սահմաններում: Սպասելիք կար 55 կգ քաշային Տիգրան Մինասյանից և Հրաչյա Պողոսյանից (60 կգ), ովքեր, սակայն, պարտվեցին հավասար միավորներով:

Մեր տղաները, ինչպես ասել եմ, առաջին տարին է, որ պատանեկանից տեղափոխվել են երիտասարդական հավաքական: Իսկ այստեղ Եվրոպայի և աշխարհի առաջնություններն ավելի կոշտ են ու մրցումային ժամանակն ավելի երկար: Հույս ունեմ, որ հաջորդ տարի ավելի լավ հանդես կգանք», - ասել է 

Միացե՛ք մեր ֆեյսբուքյան էջին և անմիջապես զգացեք մարզաշխարհի զարկերակը:

Մեկնաբանություններ

Հարգելի՛ այցելուներ, մեր կայքը բարձր է գնահատում Ձեր՝ կարծիք հայտնելու իրավունքը, ուստի կոչ ենք անում մեկնաբանություններում լինել հանդուրժող, հարգել միմյանց, չվիրավորել, չօգտագործել գռեհիկ բառապաշար: Կայքի պատասխանատուները հետեւողական են լինելու վերը նշված սկզբունքների պահպանման հարցում: Կոչ ենք անում մեկնաբանությունները գրել հայատառ: